Næsta blogg...
Pabbi eins ferðafélagans (eigandi
bílsins, eða mini-vansins) ákvað að láta laga bílinn með því
að skipta um vél. Vélin var semsagt alveg ónýt. Ansi dýrt spaug
að fylgjast ekki nógu vel með olíunni. (spurning 1: hefði
olíuviðvörunarljósið ekki átt að lýsa? Svar: Jú, en það
gerði það ekki. Spurning 2: Varla er það nóg bara að vera með
litla olíu að kála vélinni? Svar: Sennilega ekki, en það
hjálpaði alveg pottþétt ekki til, en vélin var líka orðin
gömul) Viðgerðin átti síðan að klárast á fimmtudag, þannig
að við höfðum um 3 daga áður en við fengum bílinn. Þá
ákváðum við að nota almenningssamgöngur og fara til
Las Vegas
í eina nótt. Það var frekar svalt, fólk úti á götunum að
rétta manni klámfeng spil, spilavíti á öllum hótelum (þar með
talið okkar) og fleira. Kom í ljós að til að vera á hóteli
þarna þá þarf einhver að vera 21 eða yfir (þarft að vera 21+
til að spila fjárhættuspil), þannig að þar bjargaði ég
deginum (hinir ferðafélagar mínir eru 18, 19 og 19). Hótelið var
örlítið vafasamt, en samt nokkuð hreint. Veggfóðrið og teppið
á göngunum var frekar slitið og það angaði allt af grasi þarna.
Ég ákvað síðan að henda $20 (2400 kr.) á 17 í rúllettu. Það
lenti á 11.
 |
| Williams "middle of no where" Arizona |
 |
| Mér fannst virkilega fallegt landslagið þarna, fyi Grand Canyon er í Arizona |
 |
| Dregnir... |
 |
| Viva Las Vegas |
 |
| þetta er inni en ekki úti... |
 |
| Daði!? |
 |
| fyrir hákarlana |
Los Angeles,
ja eða við vorum í
Hollywood hverfinu, rétt hjá Hollywood Blvd. Vorum
í LA í tvær nætur. Það var kúl. Virðist vera frekar artí
pleis. En það er vert að segja að það eru mörg hverfi í LA og
við sáum bara nokkur. Fórum á ströndina aðeins og skoðuðum
svæðið. Í LA eru stjörnur á gangstéttinni sem innihalda nöfn
á frægu fólki. Fengum ókeypis leiðsögn um safn um L. Ron
Hubbard (sem fyrir þá sem ekki vita stofnaði Scientology trúnna).
Það var áhugavert, hljómaði bara nokkuð eðlilega (svona
self-help dæmi) og þetta hljómar eins og áhugaverður gaur, en
þegar maður les eitthvað aðeins um Scientology sér maður hversu
mikið rugl þetta er og peningasog.
 |
| á leiðinni til LA í rútu |
 |
| frekar erfitt að henda ekki inn strandar "selfie" mmmm sól |
 |
| mæmæmæ |
 |
| Strönd í Santa Monica |
 |
| Tekið á frekar epísku safni í LA, Getty Center, verk eftir fólk eins og Monet og Van Gogh |
 |
| Þessi gríma minnir mig á Super Mario Bros. 2 |
 |
| Eitthvað fyrir þig mamma? |
Santa Barbara
í nótt. Þarna fórum við á ströndina og í feitt sólbað. Í
janúar. Sólbað. Í janúar. Enn
að reyna að átta mig á þessu. Það var ljúft. Þetta svæði
var virkilega fallegt, verst að ég tók eiginlega engar myndir því
ég var ekki með myndavél á mér, og það var mjög mikið
myrkur. Mikið af hólum og hæðum og gróðri. Við löbbuðum upp
á eina hæð þar sem var geggjað útsýni yfir fjöll og hæðir
og borgarljós. Stjörnurnar skinu, tók eftir því að Orion sést
auðveldlega, og að litli Björn lítur aðeins öðruvísi út
heldur en á Íslandi og að ég þarf að læra fleiri stjörnumerki.
Þarna sem og annars staðar í Kaliforníu er ansi mikið af fólki
sem reykir gras. Það er ekki löglegt nema í lækningarskyni, en
það virðist vera frekar auðvelt að verða sér úti um svokallað
“medical card” sem gerir manni kleift að kaupa þetta löglega
ef maður býr þarna.
[ENGAR MYNDIR]
San Luis Obispo í
nótt. Líka virkilega
fallegt og hlýtt auðvitað. Fullt af fjöllum og stöffi og
auðvitað strönd. Eitt
frekar töff líka, skólinn þarna Cal Poly á fullt af landsvæði
þarna, og sem lokaverkefni fyrir m.a. byggingaverkfræðinga,
rafmagnsverkfræðinga, vélaverkfræðinga o.fl. Þá byggja þeir
hús eða listaverk (hönnunarverkefni) í fjöllunum þarna og það
stendur svo bara þar þangað til það er orðið of hættulegt að
það er tekið niður. Þannig
er afmarkað svæði þarna fyrir þetta. Kíktum
á fullt af húsum og listaverkum þarna.
 |
| Nánast villtir hestar, engar girðingar eða neitt, en skólinn sér um að fæða þá eitthvað |
 |
| mmmhm 500 ml, nokkuð óvenjulegt, venjulega eru þetta 16 únsur sem er u.þ.b. 482 ml |
 |
| strönd í SLO sem og annars staðar á Kaliforníu ströndinni |
 |
| Ég á eftir að sakna Cheetos. |
Næst er ferðinni heitið
til San Fransisco og síðan keyrum við til Iowa. Á
leiðinni til San Fran keyrðum við aðeins lengri leið til að fá
betra útsýni, fórum meðfram ströndinni. Á hægri hliðinni voru
fjöll og á þeirri vinstri var sjór. Mjög hlykkjóttir vegir.
Gott dót. Vegna þess að
við ákváðum að fara þessa leið (eftir meðmæli frá vini
ferðafélaga míns sem leyfði okkur að gista í San Luis) þá
sáum við líka seli!!! aaaaw jeee. Elephant seals. Sá líka
íkorna...
 |
| mhm |
 |
| sáum Elephant Seals af tilviljun |
 |
| ákváðum að fara um klst lengri leið fyrir betra útsýni. Það var ekki slæm ákvörðun. Sjór vinstra megin og fjöll hægra megin, "coastal highway". |
San Francisco var
stuð. Notuðumst við Couch Surfing, sem er vefsíða þar sem fólk
býður ferðalöngum fría gistingu á hinum mismunandi stöðum,
fólk sem býr þar. Lentum á ja áhugaverðum gaur, sem er fínn,
en með sterkar skoðanir og nokkuð stjórnsamur. Sýndi okkur samt
fullt af flottum hlutum í San Fran og eldaði fyrir okkur, það var
indælt. Sáum Golden Gate, síðan fór ég og einn annar til
Alcatraz fangelsisins sem var mjög áhugavert. Ekki vissi ég að
þar hefðu verið 1 árangursrík flóttatilraun og önnur næstum.
Fyrir áhugasama, þá hef
ég nýlega verið að horfa á sjónvarpsþættina Prison Break sem
svo skemmtilega vill til að gerast að mestu leyti í miðríkjunum
(e. the midwest) m.a. í Illinois sem er rétt hjá Iowa, þannig að
maður kannast við ýmislegt. Það sem þeir notuðu til að reyna
að flýja fangelsið er rosalega svipað og það sem þeir reyndu í
Alcatraz. Sama má segja um Shawshank Redemption. Greinilega
einhverjar hugmyndir að fljúga þarna (ja að grafa sig úr
fangelsi er kannski frekar beint af augum). Annars
er ég búinn að fá mig
fullsaddan af stórborgum og langar bara aftur til Reykjavíkur takk.
Iowa city er annars ekki stórborg, heldur meira eins og Reykjavík í
stærð, þannig að það er í áttina. San Francisco er aleg
risastór og með fullt af hæðum og flottum bílum og stórum
húsum. Síðan eru aðrar borgir alveg uppvið San Fran og meðfram
flóanum, þannig að þetta er eins og ein risaborg.
 |
| Eitthvað frekar svít sameignarpleis á þaki í San Fran |
 |
| og feiri háar byggingar |
 |
| ekki golden gate strax |
 |
| Fyrsta sýn af Golden Gate |
 |
| á eyjunni þarna er Alcatraz fangelsið fyrrverandi |
 |
| ekki slæmt |
 |
| Alcatraz |
 |
| bíómyndir... |
 |
| einangrun |
 |
| þetta átti að vera mynd af millirúminu sem 3 fangar notuðu, eftir að þeir grófu sig þangað úr klefunum, til að flýja (þeir bara löbbuðu út, sigldu á fleka úr regnstökkum og hafa ekki sést síðan) |
 |
| Þessir selir ákváðu bara að elta einhverja fiskitorfu og tjilla á höfninni þarna. |
 |
| Chile Lime popp korn. Var mjög nálægt því að kaupa þetta. Ameríka... |
 |
| Píanóstigi, spilaði nótur þegar maður labbaði. |
 |
| Hef tekið eftir tunglinu að degi til hér í BNA mun oftar en á Íslandi. Spurning hvort það sé bara skýin eða eitthvað annað |
Þá er ferðinni heitið til Iowa.
Keyrðum til Salt Lake City (þar sem ég er núna). Síðan
ætlum við að vakna snemma og reyna að komast til Iowa á morgun
(um 16 tíma keyrsla).
 |
| myndavélin mín nær þessu ekki nægilega vel, en himininn var þrískiptur. Rétt fyrir ofan fjöllin var blátt, síðan vínrautt og að lokum ljósara blátt og tunglið fyrir miðið, ekki slæm sjón |
Smá sidenote,
Smash Bros. er
mjög vinsæll hérna í Ameríku, ég man að á Íslandi voru
ekkert það margir sem spiluðu þetta, en hérna spila þetta
allir. Það er frekar svít. Bæði Melee og Brawl, en aðallega
Brawl (því miður).
- Matthías, Salt Lake City, Utah, 01/14/2013
